عالمی شہرت یافتہ گلوکارہ ٹیلر سوئفٹ کی امریکی صدر ٹرمپ پر سخت تنقید

واشنگٹن : امریکی گلوکارہ ٹیلر سوئفٹ نے ٹرمپ پر تنقید کرتے ہوئے کہا ہے کہ ٹرمپ ایک غیر موثر صدر ہیں۔

غیر ملکی خبر رساں ادارے کی رپورٹ کے مطابق عالمی شہرت یافتہ امریکی گلوکارہ ٹیلر سوئفٹ نے سماجی رابطے کی ویب سائٹ ٹوئٹر پر امریکی صدر ڈونلڈ ٹرمپ پر تنقید کے نشتر برسائے ہیں۔

ٹیلر سوئفٹ کا کہنا ہے کہ ڈونلڈ ٹرمپ ایک بے کار صدر ہیں جن کا کوئی اثر نہیں، انہوں نے وبائی صورتحال میں بحران کو مزید سنگین کیا ہے۔

انہوں نے کہا کہ امریکی صدر نے اپنے ہی شہریوں کی زندگیاں خطرے میں ڈال دیں ہیں۔

امریکی گلوکارہ ٹیلر سوئفٹ نے کہا کہ ڈونلڈ ٹرمپ کے اقدامات و پوسٹل سروس کو عارضی طور پر معطل کرنا اس بات کا ثبوت ہیں کہ امریکی آئندہ انتخابات میں ٹرمپ کو بطور پر سربراہ مملکت نہیں دیکھنا چاہتے۔