سال1920 کی قیمتوں پر 2020 میں فلمیں دیکھنے کی پیشکش

317

عالمی وبا کورونا وائرس کا پھیلاؤ محدود کرنے کے لیے کئی ممالک میں نافذ لاک ڈاؤنز اور سماجی دوری کے اقدامات کے باعث دنیا بھر کے فلم تھیٹرز مارچ کے وسط سے بند ہیں۔

کئی ماہ کی بندش کے بعد اب اے ایم سی انٹرٹینمٹ ہولڈنگز نے پہلے مرحلے میں 20 اگست سے امریکا میں 100 سے زائد تھیٹرز کھولنے کا فیصلہ کیا ہے۔

دنیا کی سب سے بڑی تھیٹر چین نے کہا ہے کہ وہ 3 ستمبر کو کرسٹوفر نولان کی فلم ‘ ٹینیٹ’کی ریلیز کے لیے امریکا میں موجود 600 میں سے دو تہائی کے قریب تھیٹرز کھولنے کی منصوبہ بندی کررہی ہے۔

اے ایم سی نے تھیٹرز کھولنے کے اعلان کے ساتھ شائقین کو ایک بہت ہی پرکشش پیشکش کی ہے انہیں فلم دیکھنے کے لیے صرف 15 سینٹس ادا کرنے ہوں گے۔

سی اکمپنی کے مطابق اے ایم سی کے قیام کو 100 سال ہورہے اور اپنے صد سالہ تقریبات کے موقع پر انہوں نے سنیما کھلنے کے پہلے دن ‘1920 کی قیمتوں پر 2020 میں فلمیں’ دیکھنے کی پیشکش کی ہے۔

اس پیشکش کے تحت اے ایم سی سنیما کھلنے کے پہلے روز شائقین کو ٹکٹ کی مد میں صرف 15 سینٹس ادا کرنے ہوں گے

اس کے ساتھ ہی اے ایم سی نے کہا کہ وہ فلم بینوں کی حفاظت اور کورونا وائرس کا پھیلاؤ روکنے کےلیے حفاظتی اقدامات پر بھی عملدرآمد کررہے ہیں جس میں ماسک پہننا، لوگوں کی تعداد کو محدود کرنا اور وینٹی لیشن سسٹمز کو اپ ڈیٹ کرنا شامل ہے۔

سنیما کھلنے کے بعد بھی ٹکٹیں معمول سے زیادہ سستی ہوں گی، اور ‘انسیپشن’، ‘ بلیک پینتھر’، بیک ٹو دی فیوچر اور ‘ ایمپائر اسٹرائیکس بیک’ کی ٹکٹ کی لاگ 5 ڈالر ہوگی۔

اس کے علاوہ اے ایم سی کی جانب س باکس آفس پر پرانی فلمیں بھی دوبارہ چلائی جائیں گی۔