کم عمر بچی کو نامناسب اشیا کی تشہیر کیلئے استعمال کرنے پر اہل خانہ طلب

239

سعودی عرب کے پبلک پراسیکیوشن نے مبینہ طورپراپنی کم عمربچی کو نامناسب اشیا کی تشہیر کے لیے استعمال کرنے کی اجازت دینے پر ان کے قریبی رشتہ داروں کو تفتیش کے لیے طلب کرلیا۔

سعودی عرب کے اخبارکے مطابق پبلک پراسیکیوشن نے سوشل میڈیا پر کم عمر بچی کی تشہیری ویڈیوز وائرل ہونے کے بعد معاملے کا نوٹس لیتے ہوئے ان کے والدین کو سمن جاری کیا۔

رپورٹ کے مطابق کم عمر بچی کی تشہیری ویڈیوز گزشتہ چند روز سے واٹس ایپ، انسٹاگرام اور اسنیپ چیٹ سمیت دیگر سوشل میڈیا پلیٹ فارمز پر وائرل ہو رہی تھی۔

رپورٹ میں بتایا گیا کہ مختصر دورانیے کی متعدد ویڈیوز میں کم عمر بچی کو بڑی عمر اور بالغ خواتین کے نامناسب استعمال کی اشیا کی تشہیر کرتے ہوئے دیکھا جا سکتا تھا۔