پی آئی اے: امریکہ نے فضائی آپریشن پر پابندی عائد کردی

اسلام آباد: یورپ اوربرطانیہ کے بعد امریکہ نے بھی قومی ایئر لائن پی آئی اے کے فضائی آپریشن پر پابندی عائد کردی ہے۔

ہم نیوز کے مطابق امریکی ٹرانسپورٹ اتھارٹی نے پی آئی اےکو بذریعہ ای میل پابندی سےآگاہ کردیا ہے۔

ذرائع کے مطابق پی آئی اے کو حاصل خصوصی پروازوں کا اجازت نامہ بھی  منسوخ ہوگیا ہے۔

پی آئی اے کوامریکہ کے لیے 12 براہ راست خصوصی پروازوں کی اجازت دی گئی تھی۔ قومی ایئرلائن امریکہ کے لیے 6ب راہ راست خصوصی پروازیں آپریٹ کرچکی تھی۔

ذرائع کے مطابق 6 خصوصی پروازیں باقی تھیں جن کااجازت نامہ منسوخ کردیا گیا ہے۔

ذرائع کے مطابق امریکی ٹرانسپورٹ اتھارٹی نے پابندی کپتانوں کے مشتبہ لائسنس کے معاملے کی وجہ سے لگائی ہے۔

پی آئی اے کے ترجمان عبداللہ خان نے تصدیق کی ہے کہ امریکہ نے خصوصی پروازوں کا اجازت نامہ واپس لے لیا ہے۔