امریکی صدارتی امیدوار جو بائیڈن کی زبان اپنی اہلیہ کیلئے پھسل گئی
امریکا کے صدارتی امیدوار جو بائیڈن کی زبان پھر پھسل گئی اور وہ خود کو جوبائیڈن کہنے کے بجائے جوبائیڈن کا شوہر کہہ بیٹھے۔
77برس کے جوبائیڈن نے سماجی رابطوں کی ویب سائٹ کے ذریعے ایک تقریب میں شرکت کی جسے نیشنل ایجوکیشن اسوسی ایشن نے منعقد کیا تھا۔
تقریب کی میزبان نے بائیڈن کا تعارف کراتے ہوئے جوبائیڈن کی اہلیہ کا ذکر کی اور شرکاء کو بتایا کہ جِل بائیڈن بھی اسی ایسوسی ایشن کی رکن رہی ہیں۔
بائیڈن اسکرین پر آئے تو اپنی بیوی کا نام لے کر یہ کہنے کی بجائے کہ وہ جل بائیڈن کے شوہر ہیں، یہ کہہ دیا کہ وہ جو بائیڈن کے شوہر ہیں، انہیں زبان پھسلنے کا احساس تک نہ ہوا اورغلطی درست نہ کی۔
اس سے قبل مارچ میں بھی بائیڈن کی زبان اس وقت پھسل گئی تھی جب وہ امریکا کے اعلان آزادی پربات کر رہے تھے۔