بھارت میں تیز رفتار ٹرک نے سڑک کنارے سوئے 18مزدوروں کو کچل دیا

119

اتر پردیش: بھارت میں سڑک کنارے کھڑی خراب بس کو تیز رفتار ٹرک نے ٹکر مار دی جس کے نتیجے میں 18 مزدور ہلاک اور 24 زخمی ہوگئے۔

بھارتی میڈیا کے مطابق لکھنٔو میں بہار جانے والی بس راستے میں خراب ہونے پر بس کو سڑک کنارے کھڑے کرکے 3 درجن سے زائد مزدور بس کے اوپر، اندر اور نیچے سوگئے اور بدقسمتی سے رات گئے ایک تیزر رفتار ٹرک بس سے ٹکرا گیا۔

ٹرک کی ٹکر سے 18 مزدور ہلاک اور 24 زخمی ہوگئے۔ ہلاک اور زخمی ہونے والوں کو قریبی اسپتال منتقل کردیا گیا جہاں کئی مزدوروں کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔

پولیس کا کہنا ہے کہ حادثے کا شکار ہونے والے تمام مزدور اس بس سے اپنے آبائی گاؤں جارہے تھے اور حادثے کا شکار ہوگئے۔ حکومت کی جانب سے حاثے کے شکار افراد کے لیے امدادی رقم کا اعلان کیا ہے۔

Leave A Reply

Your email address will not be published.