ویڈیو وائرل ہونے کے بعد تنقید کرنے والوں کو ہانیہ عامر کا پیار بھرا جواب

429

اداکارہ ہانیہ عامر نے حال ہی میں اپنی ایک مختصر ویڈیو سوشل میڈیا پر وائرل ہونے کے بعد تنقید کرنے والے لوگوں کو پیار سے کرارا جواب دیتے ہوئے کہا کہ وہ چاہتی ہیں کہ لوگ انہیں ایک ایسی لڑکی کے طور پر یاد رکھیں جو مسکراہٹیں بکھیرتی ہیں۔

ہانیہ عامر نے انسٹاگرام پر 5 جون کو مسکراتے ہوئے کھچوائی گئی اپنی تصویر شیئر کرتے ہوئے ’وائرل ویڈیو‘ کا ذکر کیے بغیر لکھا کہ وہ سوشل میڈیا پر اپنی زندگی کی چھوٹی باتوں کو شیئر کرتی ہیں جو کہ کسی کو بہت اچھے لگتے ہیں اور کوئی ان پر تنقید کرتا ہے۔

اداکارہ نے واضح کیا کہ وہ سوشل میڈیا پر اپنی ذاتی زندگی کی کچھ چیزیں اس لیے شیئر کرتیں ہیں تاکہ جو لوگ انہیں فالو اور پسند کرتے ہیں وہ ان سے متعلق جان سکیں اور ان کا فالوورز سے رابطہ رہے۔