برطانوی اداکار ادریس البا کا بھی اسرائیلی جارحیت روکنے کا مطالبہ

292

برطانوی اداکار ادریس البا نے فلسطین میں جاری اسرائیلی درندگی اور خونریزی پر تشویش کا اظہار کرتے ہوئے عالمی طاقتوں پر زور دیا کہ وہ معاملے کا نوٹس لیںاس سے پہلے کہ مزید جانی نقصان ہو۔

میڈیا رپورٹ کے مطابق اداکارادریس البا نے لکھا کہ بہت ساری زندگیاں ضائع ہو رہی ہیں، ابھی ان میں سے کچھ تو ہمارے علم میں ہی نہیں ہیں۔انہوں نے مزید لکھا کہ یہ وہ سفاکی اور خونریزی ہے جس نے انہیں تشویش کا اظہار کرنے پر مجبور کر دیا ہے ، اسے روکنا ہوگا، اس سے پہلے کہ مزید جانی نقصان ہو، اس معاملے میں مداخلت کرنے کی ضرورت ہے ۔

واضح رہے کہ کئی دیگر عالمی شہرت یافتہ شوبز شخصیات بھی فلسطینیوں کے خلاف اسرائیل کی سفاکانہ کارروائیوں پر افسوس کا اظہار کرتے ہوئے خون ریزی روکنے کا مطالبہ کر چکے ہیں، امریکی ماڈلز بیلا اور جی جی حدید، انگین آلتان نے فلسطین کی آزادی کے لئے کوششوں پر زور دیا ہے۔