رمیز راجہ نے مصباح کوغریب آدمی کا دھونی قرار دیدیا

252

لاہور / کراچی: رمیز راجہ نے مصباح الحق کو غریب آدمی کا دھونی  قرار دے دیا۔

ایک یوٹیوب انٹرویو میں سابق ٹیسٹ کرکٹر نے کہاکہ سابق بھارتی کپتان کے چہرے پر کوئی تاثرات نہیں ہوتے تھے، جذبات کا اظہار بھی سامنے نہیں آتا تھا، مصباح الحق بھی اسی طرح کا مزاج رکھتے ہیں، میں ان کو غریب آدمی کا دھونی کہوں گا مگر بطور ہیڈ کوچ ان کو اپنا مزاج بدلنا ہوگا، جارحیت ہمارے کرکٹرز کے ڈی این اے میں ہے۔

انہوں نے کہا کہ قومی ٹیم کو درست سمت میں گامزن کرنے کے لیے مصباح الحق کو بھی جدید سوچ اپنانا ہوگی، بعض اوقات وہ بہت زیادہ محتاط نظر آتے ہیں، ہمارے پاس ٹیلنٹ موجود ہے تو پھر خوف کس بات کا ہے، رمیز راجہ نے ہر ٹور کی ضرورت کے مطابق کوچ کی تقرری کا مشورہ بھی دیا، انھوں نے ٹیسٹ چیمپئن شپ کے اگلے سائیکل میں پاک بھارت مقابلے شامل کرنے کا مطالبہ کردیا۔