چینی ویکسین لگانے والے غیرملکی شہریوں کو چین کا ویزے جاری کرنے کا فیصلہ

208

چین نے ان کی تیار کردی ویکسین لگانے والے ممالک، جن میں پاکستان، امریکا اور بھارت شامل ہیں، کے شہریوں کو ایک سال کی بندش کے بعد ویزے جاری کرنے کے لیے پالیسی میں نرمی کردی۔

خبر ایجنسی اے ایف پی کی رپورٹ کے مطابق چین کی تیار کردہ کووڈ-19 ویکسین لگانے والے غیر ملکیوں کو سرحدی پابندیوں میں نرمی کرتے ہوئے واپسی کی اجازت دینے کا فیصلہ کیا ہے۔

خیال رہے کہ چین نے گزشتہ برس مارچ میں کورونا وائرس کی شدید لہر آنے کے بعد اکثر غیر ملکیوں کے لیے اپنی سرحد بند کردی تھی اور اس کے نتیجے میں بڑے پیمانے پر وائرس پر قابو کرلیا تھا۔

چین کی کورونا سے متعلق سخت پالیسی کے باعث چین میں کام کرنے والے کئی غیر ملکی پھنس گئے تھے۔