طالبعلم اسکول میں بم لے آیا، زوردار دھماکا

216

امریکا میں ہائی اسکول کا طالب اتفاقی طور پر دیسی ساختہ بم اسکول لے آیا جس کے پھٹنے سے ‏‏6 افراد زخمی ہوگئے۔

امریکی میڈیا کے مطابق 16 سالہ لڑکا مشی گن ہائی اسکول میں اپنے ساتھ گھر میں تیار کردہ بم ‏ڈیوائس لے آیا جو کچھ دیر بعد دھماکے سے پھٹ گئی۔

دھماکے کے وقت کلاس روم میں استاد اور کئی طالب علم بھی موجود تھے ان میں سے 5 طالب ‏علم اور استاد زخمی ہوگیا۔

دھماکے کی اطلاع ملنے پر پولیس اور ریسکیو ٹیموں نے پہنچ کر امدادی کارروائیاں کیں اور ‏زخمیوں کو اسپتال منتقل کیا۔

پولیس کا کہنا ہے کہ ابتدائی تفتیش میں یہ بات سامنے آئی ہے کہ 16 سالہ طالب علم گھر میں ‏تیار کردہ دھماکا خیز ڈیوائس اپنے ساتھ لایا تھا جو حادثے کا سبب بنا۔

پولیس دھماکے میں استعمال ہونے والے مواد اور اسے اسکول لانے کے پیچھے مقصد کا تعین کرنے ‏کی کوشش کر رہی ہے۔ بم اسکواڈ، ایف بی آئی اور فیڈرل بیورو آف الکحل ، تمباکو ، آتشیں اسلحہ، ‏دھماکہ خیز مواد اور اے ٹی ایف ادارے کے ارہلکار جائے وقوعہ سے استعمال شدہ دھماکا خیز ‏مواد کی شناخت کرنے میں مدد فراہم کررہے ہیں۔