سٹی آف لندن کے سائز جتنا برفانی تودہ ٹوٹ کر علیحدہ

221

انٹارکٹیکا میں سٹی آف لندن کے سائز جتنا برفانی تودہ ٹوٹ کر علیحدہ ہو گیا۔

غیر ملکی خبر رساں ایجنسی کے مطابق موسمی تبدیلیوں کے خطرناک اثرات سامنے آنے لگ گئے ہیں۔ انٹارکٹیکا میں برطانوی ریسرچ سینٹر کے قریب نیویارک شہر کے رقبے سے بھی بڑا برفانی تودہ ٹوٹ کر علیحدہ ہو گیا۔

برطانوی انٹارکٹیک سروے کے مطابق یہ برف کا حصہ بیڈ فور شائر کاؤنٹی کے برابر اور490 اسکوائر میل لمبا ہے۔

برطانوی ماہرین کا کہنا ہے کہ برفانی تودہ ٹوٹنے سے برطانوی ریسرچ اسٹیشن متاثر نہیں ہو گا۔ ماہرین نے 10 سال قبل اس مقام پر دراڑ پڑنے سے متعلق آگاہ کیا تھا۔

اکتوبر 2019 کو انٹارکٹیکا میں ایک انتہائی بڑا برفانی تودہ ’’ایمری آئس شیلف‘‘ نامی برفانی خطے سے ٹوٹ کر علیحدہ ہو گیا تھا۔ جس کا سائز لگ بھگ پاکستان کے شہر لاہور جتنا تھا۔ اس تودے کا رقبہ 1636 مربع کلومیٹر تھا جسے ڈی 28 کا نام دیا گیا۔