کرپٹو کرنسی سے چھٹکارا پانا ہو گا، بل گیٹس

245

مائیکروسافٹ کے بانی بل گیٹس نے کہا ہے کہ ہمیں کرپٹو کرنسی سے چھٹکارا پانا ہو گا۔

غیر ملکی خبر رساں ایجنسی کے مطابق ٹیسلا کمپنی کے بانی ایلون مسک کے برعکس مائیکروسافٹ کے بانی بل گیٹس ڈیجیٹل کرنسیوں سے مطمئن نہیں ہیں۔

بل گیٹس کا کہنا ہے کہ کرپٹو کرنسی سمیت دیگر ڈیجیٹل کرنسیوں کے بغیر بھی لوگ زندہ رہ سکتے ہیں۔ کرپٹو کرنسی سے مخصوص مجرمانہ سرگرمیوں کا موقع ملتا ہے اس لیے بہتر یہی ہے کہ اس سے نجات حاصل کر لی جائے۔

انہوں نے کہا کہ گیٹس فاؤنڈیشن کی جانب سے رقم کو ڈیجیٹل فارم میں منتقل کرنے پر کام کیا جا رہا ہے کیونکہ اس سے ترقی پذیر ممالک میں اخراجات کو کم کیا جا سکتا ہے لیکن ایسا عملی وجوہات کی وجہ سے ہی کیا جائے گا۔

بل گیٹس نے کہا کہ میں کسی بٹ کوائن کا مالک نہیں ہوں اور میں نے بٹ کوائن کے حوالے سے غیر جانبدار رویہ اختیار کیا ہے۔