ہواوے کا 2021 میں فونز کی پروڈکشن 60 فیصد تک کم کرنے پر غور

21

امریکی پابندیوں سے متاثر اسمارٹ فون کمپنی ہواوے نے 2021 کے دوران اپنی ڈیوائسز کی پروڈکشن 60 فیصد تک کم کرنے پر غور شروع کردیا ہے۔

ایک رپورٹ کے مطابق 2020 میں ہواوے نے 18 کروڑ 90 لاکھ اسمارٹ فونز تیار کیے تھے مگر رواں سال یہ تعداد صرف 7 کروڑ ہوگی۔

پروڈکشن میں اتنی زیادہ کمی کی وجہ امریکا کی جانب سے عائد پابندیوں کے نتیجے میں اسمارٹ فون کی فروخت متاثر ہونا ہے۔

خیال رہے کہ امریکا نے مئی 2019 میں قومی سلامتی کو جواز بناکر ہواوے کو بلیک لسٹ کردیا تھا، جبکہ گزشتہ سال ان پابندیوں کو مزید سخت کیا گیا تھا اور دنیا بھر میں امریکی ٹیکنالوجی استعمال کرنے والی کمپنیوں کو بھی ہواوے سے کاروبار کرنے سے روک دیا تھا۔

Leave A Reply

Your email address will not be published.