پی ایس ایل کی فرنچائز ٹیموں کا میچ گوادر میں؟

250

چیف ایگزیکٹو پی سی بی وسیم خان نے گوادر کرکٹ اسٹیڈیم کو مزید بہتر بنانے کے عزم کا اظہار ‏کرتے ہوئے کہا ہے کہ پی ایس ایل کے بعد2 فرنچائز کا میچ بھی سوچ رکھا ہے۔

دنیا کے سب سے خوبصورت گوادر نیشنل کرکٹ اسٹیڈیم میں میدان سج گیا ، گوادر اسٹیڈیم میں ‏سیاسی، سماجی اور شوبز ستاروں کا پہلا دوستانہ میچ ہوا۔

میچ میں شوبز شارکس اورگوادر ڈولفن کی ٹیموں کے درمیان کھیلا گیا ، کرکٹ میچ میں معاون ‏خصوصی زلفی بخاری سمیت اہم شوبز کی اہم شخصیات شریک ہیں، نمائشی میچ کا نام ’’سوپر ہے ‏پاکستان کپ‘‘ رکھا گیا۔

تاریخی میچ کے ٹاس کے موقع پر برطانوی ہائی کمشنر کرسٹن ٹرنر نے دونوں ٹیموں کے کپتانوں ‏کے ساتھ اپنی ایک تصویر بھی ٹوئٹر پر شیئر کی ہے، جسے شائقین کی جانب سے بے حد پسند کیا ‏جارہا ہے۔

میچ کے اختتام پر چیف ایگزیکٹو پی سی بی وسیم خان نے کہا کہ گوادر اسٹیڈیم بہترین مقام پربنا ‏ہے، پی سی بی اس اسٹیڈیم کو مزید بہتر بنانے کا ارادہ رکھتا ہے۔

وسیم خان نے کہا کہ میری کوشش ہےیہاں فرسٹ کلاس میچزشروع کرواسکوں، فلڈلائٹس لگائیں ‏گےتاکہ ڈےاینڈنائٹ میچ ہوسکیں، پی ایس ایل کےبعد2فرنچائزکامیچ بھی سوچ رکھاہے۔