راشد نسیم نے دو نئے عالمی ریکارڈز قائم کرکے علی سدپارہ کے نام کردیے
کراچی: ماسٹر راشد نسیم نے دو نئے عالمی ریکارڈز قائم کرکے ان کو قومی ہیرو کوہ پیما محمد علی سدپارہ کے نام کردیا۔
راشد نسیم کے گنیز ورلڈ ریکارڈز کی تعداد 66 ہوگئی اور ان کی اکیڈمی اب تک 81 ریکارڈ پاکستان کے نام کر چکی ہے۔ پہلے ریکارڈ میں نن چکس کی مدد سے بوتل کے درمیان سے تاش کا پتا نکالنا تھا، راشد نسیم نے ایک منٹ میں 19 تاش کے پتے نکالنے کا کارنامہ کردکھایا۔
اس سے قبل چینی ایتھلیٹ ژی ڈیشینگ نے بوتل کے درمیان سے 14 تاش کے پتے نکالے تھے، راشد نسیم سال 2020 میں یہی ریکارڈ 12 تاش کے پتے نکال کر بناچکے تھے،۔