سنی لیون کی ویب سیریز کی شوٹنگ کے دوران سیٹ پر غنڈے پہنچ گئے
ممبئی: سنی لیون کی ویب سیریز ’’انامیکا‘‘ کی شوٹنگ کے دوران سیٹ پر غنڈے پہنچ گئے جس کو دیکھ کر اداکارہ خوفزدہ ہوگئیں۔
بھارتی میڈیا کے مطابق اداکارہ سنی لیون ان دنوں ہدایت کار وکرم بھٹ کی نئی ویب سیریز ’’انامیکا‘‘ کی شوٹنگ میں مصروف ہیں تاہم شوٹنگ کے دوران چند غنڈے سیٹ پر پہنچ گئے اور پیسوں کا مطالبہ کیا جس کی وجہ سے سنی لیون کافی خوفزدہ ہوگئی ہیں۔
بھارتی میڈیا کا کہنا ہے کہ ویب سیریز ’’انامیکا‘‘ کی شوٹنگ جاری تھی کہ اسی دوران کچھ غنڈے وہاں پہنچ گئے جنہوں نے ہدایت کار وکرم بھٹ سے 14 لاکھ روپے دینے کا مطالبہ کیا، غنڈوں کو سیٹ پر دیکھ کر سنی لیوں خوفزدہ ہوگئیں تاہم وکرم بھٹ نے فوراً اداکارہ کو گاڑی میں بھیج دیا۔