ابوظہبی ٹی 10 لیگ میں مشکوک افراد سے روابط کے الزام پرایک کھلاڑی معطل

 کراچی: ابوظبی ٹی 10 لیگ میں مشکوک افراد سے روابط کے الزام پرایک کھلاڑی کومعطل کر دیا گیا ہے۔

ذرائع کے مطابق مراٹھا عربیئنزکے سینڈی سنگھ نے ایونٹ کے کسی میچ میں حصہ نہیں لیا مگراینٹی کرپشن یونٹ کو ان کے بارے میں بعض معاملات پرشکوک تھے جس کی وجہ سے ان کے خلاف ایکشن لیا گیا۔

ذرائع نے بتایا کہ ابوظہبی آمد کے بعد بھارتی نژاد کرکٹر نے قرنطینہ مکمل کیا اورپھراینٹی کرپشن یونٹ کے لیکچرمیں بھی شریک ہوئے، وہاں مشکوک افراد کی تصاویر دکھاتے ہوئے ان سے دور رہنے کی ہدایت دی گئی، بعد میں پتا چلا کہ ان میں سے ایک شخص کے ساتھ سینڈی کا رابطہ رہا ہے اوران کی بیٹ اسپانسر شپ بھی اسی نے کی تھی،  اس پر ان کیخلاف ایکشن لیا گیا۔

ابوظہبی آمد کے بعد بھارتی نژاد کرکٹر نے قرنطینہ مکمل کیا اورپھراینٹی کرپشن یونٹ کے لیکچرمیں بھی شریک ہوئے