میگھن مارکل برطانوی اخبار کے خلاف مقدمہ ختم کرانے کی خواہاں

519

برطانوی شہزادہ ہیری کی اہلیہ 39 سالہ میگھن مارکل نے برطانوی عدالت سے درخواست کی ہے کہ ان کی جانب سے اخبار کے خلاف دائر کیے گئے مقدمے میں ان کے حق میں فیصلہ دے کر کیس کو ختم کیا جائے۔

میگھن مارکل نے اکتوبر 2019 میں برطانوی اخبار دی میل اور ان کی ذیلی ویب سائٹ دی میل آن سنڈے کے خلاف والد کو لکھے گئے ذاتی خط کو شائع کرنے پر ہرجانے کا مقدمہ دائر کیا تھا۔

دی میل آن سنڈے نے میگھن مارکل کی جانب سے 2018 میں اپنے والد کو لکھے گئے خط کو شائع کیا تھا، جس پر شہزادی نے اخبار کے خلاف مقدمہ دائر کیا تھا۔

مذکورہ کیس کی ابتدائی سماعتیں 2020 کے وسط اور آغاز میں لندن ہائی کورٹ میں ہوئی تھیں تاہم ابتدائی سماعتوں میں عدالت نے برطانوی اخبار کے حق میں ریمارکس دیے تھے۔