کورونا وائرس سے بچانے والا لیمپ لینا پسند کریں گے؟

خواہش ہو یا نہ ہو مگر کووڈ 19 کی وبا جلد ختم ہونے والی نہیں اور اس سے لوگوں کو تحفظ فراہم کرنے کے لیے الٹرا وائلٹ روشنی پر کافی کام کیا جارہا ہے۔

لاس ویگاس میں سی ای ایس ٹیکنالوجی نمائش کے دوران ٹارگوس نامی کمپنی نے متعدد ڈیوائسز پیش کیں، جن میں سے بیشتر میں الٹرا وائلٹ روشنی جراثیموں کا صفایا کرنے میں مدد دیتی ہے۔

ان میں سے ایک الٹرا وائلٹ لیمپ بھی ہے جس کو کمپیوٹر کی بورڈ اور ماؤس (یا کسی بھی چیز کے اوپر) رکھ کر آن کیا جائے تو وہ 5 منٹ میں 99.9 فیصد وائرسز اور بیکٹریا کا خاتمہ کردیتا ہے۔

اس میں ایسے موشن سنسر موجود ہیں جو خودکار طور پر اس وقت بند کردیتے ہیں جب صارف کی بورڈ یا ماؤس پر کام شروع کرتا ہے۔

کمپنی کی جانب سے ایک جراثیم کش بیک پیک بھی متعارف کرایا، جس میں 15 سے 17 انچ کے لیپ ٹاپ کو رکھا جاسکتا ہے۔