سابق فاسٹ بولر شعیب اختر کو ایف آئی اے نے طلب کرلیا

لاہور: قومی کرکٹ ٹیم کے سابق فاسٹ بولر شعیب اختر کو ایف آئی اے سائبر کرائم ونگ نے طلب کرلیا۔

رپورٹ کے مطابق قومی کرکٹ ٹیم کے سابق فاسٹ بولر شعیب اختر کو ایف آئی اے سائبر کرائم ونگ نے 5 جون کو صبح 11 بجے طلب کرلیا۔

دوسری جانب شعیب اختر کا کہنا ہے کہ انہیں ابھی تک کوئی نوٹس موصول نہیں ہوا ہے۔

واضح رہے کہ پی سی بی کے قانونی مشیر تفضل رضوی کا کہنا تھا کہ شعیب اختر نے ان کی شہرت کو نقصان پہنچایا اور کیریئر کو داغدار کرنے کی کوشش کی۔

یاد رہے کہ شعیب اختر نے ایک بیان میں کہا تھا کہ پی سی بی کا انٹرنل انکوائری سسٹم ٹھیک نہیں جس سے پاکستان کرکٹ بورڈ کی ساکھ متاثر ہوئی ہے اور بین الاقوامی سطح پر پی سی بی کی بدنامی ہوئی۔