بھارت میں دنیا کی سب سے بڑی ویکسی نیشن مہم کا آغاز

339

ملک میں کووڈ-19 کی وبا پر قابو پانے کے لیے ہندوستانی وزیر اعظم نریندر مودی نے ہفتے کے روز دنیا کی سب سے بڑی ویکسینیشن مہم شروع کردی ہے جس میں مقامی طور پر تیار دو کمپنیوں کی ویکسین استعمال کی جا رہی ہیں۔

ویڈیو کانفرنسنگ کے ذریعے محکمہ صحت کے رضاکاروں کو مخاطب کرتے ہوئے مودی نے کہا کہ وہ فوری طور پر خود یہ ویکسین نہیں لیں گے کیونکہ ہندوستان ابتدائی طور پر نرسوں، ڈاکٹروں اور دیگر افراد کو ترجیح دے رہا ہے۔

مودی کے دفتر نے اس ہفتے ایک بیان میں کہا تھا کہ یہ دنیا کا سب سے بڑا ویکسینیشن پروگرام ہوگا جس میں ملک کے کونے کونے کا احاطہ کیا جائے گا۔