کیپٹل ہل حملہ: نینسی پلوسی کا پوڈیم چرانے والا شخص گرفتار

313

واشنگٹن: : امریکی پارلیمنٹ پر دھاوے کے دوران اسپیکر نینسی پلوسی کا پوڈیم چوری کرنے والے شخص کو گرفتار کر لیا گیا ہے۔

36 سالہ ایڈم جاہنسن کو فیڈرل مارشلز نے فلوریڈا سے گرفتار کر کے پینلس کنٹری جیل میں رکھا گیا ہے۔ نفسیات میں گریجویشن کرنے والا ایڈم جاہنسن لکڑی کا فرنیچر بنانے کا کام کرتا ہے۔

کیپٹل ہل پر حملے کے دوران ایڈم جاہنسن کی ایک تصویر وائرل ہوئی تھی جس میں انہوں نے امریکی اسپیکر نینسی پلوسی کے دفتر کا پوڈیم اٹھا رکھا تھا اور مسکرا رہے تھے۔

بین الاقوامی جریدے کے مطابق جاہنسن پانچ بچوں کے والد ہیں اور ان کی اہلیہ ڈاکٹر ہیں۔ اس سے قبل ایڈم جاہنسن کو چرس کے قبضے اور پروبیشن چارجز کی خلاف ورزی کا سامنا کرنا پڑا ہے