سرڈان بریڈمین کی ’ڈیبیو کیپ‘ لاکھوں ڈالرز میں فروخت

290

سڈنی: سابق آسٹریلوی کرکٹر سر ڈان بریڈ مین کی ٹیسٹ ڈیبیو کیپ 4 لاکھ 50 ہزارآسٹریلوی ڈالرز میں فروخت کردی گئی۔

غیرملکی خبررساں ادارے کی رپورٹ کے مطابق لیجنڈری آسٹریلوی بیٹسمین سر ڈان بریڈ مین کی ڈیبیو کیپ آسٹریلوی تاجر پیٹر فریڈ مین نے 4 لاکھ 50 ہزار ڈالرز میں خرید لی۔

سر ڈان بریڈ مین کی ڈیبیو کیپ ایک ہفتہ نیلامی میں رکھی گئی لیکن ریزرو پرائز تک نہ پہنچ سکی، لیجنڈری بیٹسمین کی کیپ ایک سے دو ملین آسٹریلوی ڈالر میں نیلام ہونے کی توقع تھی۔

واضح رہے کہ سر ڈان بریڈ مین کو 1928 میں روایتی حریف انگلینڈ کے خلاف ڈیبیو پر کیپ پیش کی گئی تھی۔