طالبان کیساتھ مل کر کام کرینگے، بیٹھ کر معاہدے نہیں:ایرانی وزیر خارجہ

380

ایرانی وزیر خارجہ جواد ظریف نے کہاہے کہ ہم طالبان کیساتھ کام کریں گے لیکن ان کیساتھ بیٹھ کر کابل کے مستقبل کے معاہدے نہیں کریں گے۔

افغان ٹی وی کو انٹرویو میں ایرانی وزیر خارجہ کا کہنا تھا کہ طالبان نے کئی دہشتگرد کارروائیاں کی ہیں،ایران نے انہیں دہشتگردوں کی فہرست سے نہیں نکالا۔ امریکا افغان حکومت کو سائیڈلائن کرکے طالبان کیساتھ بیٹھ گیا ہے۔

بات کو جاری رکھتے ہوئے انہوں نے مزید کہا کہ امریکا طالبان سے معاہدے کے بجائے امن عمل میں سہولت کار بنے، طالبان کیساتھ مل کر کام کرینگے لیکن مستقبل کے کوئی معاہدے نہیں کیے جائیں گے۔ شام میں 2ہزار افغان جنگجو برسرپیکار ہیں،ہم نے کسی کو شام نہیں بھیجا وہ رضاکارانہ طور پرگئے ہیں۔

جواد ظریف کا کہنا تھا کہ اگر کابل حکومت راضی ہوئی تو مزید جنگجوﺅں کو داعش کیخلاف مسلح کرینگے، شام میں داعش کیخلاف برسرپیکار اتحاد کی ہم نے مدد کی ہے۔