گوگل فوٹوز کا نیا فیچر آپ کے پرانے فون کو آئی فون جیسا بنادے گا

390

بہت جلد آپ کے پرانے اینڈرائیڈ فونز بھی نئے آئی فون 12 کی طرح کی تصاویر تیار کرسکیں گے۔

جی ہاں واقعی ایسا ممکن ہوگا اور فون میں تصاویر کو آٹومیٹک تھری ڈی انیمیشن تیار ہوسکیں گی۔

ایسا گوگل فوٹوز سے ممکن ہوگا اور اس کے لیے گوگل فوٹوز میں ایک نیا فیچر سنیماٹک فوٹوز کے نام سے متعارف کرایا گیا ہے جو آنے والے ہفتوں میں صارفین کو دستیاب ہوگا۔

گوگل فوٹو ایپ میں یہ فیچر کسی ساکت تصویر میں انیمیٹڈ لیئرز کا اضافہ کرکے انہیں متحرک کرکے گا۔

گوگل فوٹوز کے پراڈکٹ منیجر جیمی ایسپنل نے اس حوالے سے بتایا ‘اس مقصد کے لیے ہم نے مشین لرننگ ٹیکنالوجی کو استعمال کیا تاکہ کسی تصویر کی ڈیپتھ کی پیشگوئی کی جاسکے اور ایک اس منظر کا تھری ڈی ورژن تیار کیا جاسکے، حالانکہ اصل تصویر میں اس طرح کی گہرائی کیمرا فراہم نہیں کرپاتا’۔

انہوں نے مزید بتایا کہ پھر اس تصویر کو متحرک کردیا جاتا ہے بالکل کسی فلم کے منظر کی طرح۔