اسرائیل سےتعلقات کے باوجود دو ریاستی حل کےحامی ہیں، مراکش کی فلسطین کو یقین دہانی
رباط: مراکش کے شاہ محمد ششم نے فلسطینی صدر محمود عباس کو یقین دہانی کروائی ہے کہ وہ بدستور دو ریاستی حل کا حامی ہے۔
شمالی صحارا کے علاقے پر مراکش کا اختیار قبول کرنے کے بدلے اسرائیل سے تعلقات قائم کرنے کے بعد مراکش کے شاہ محمد ششم نے فلسطینی صدر محمود عباس سے ٹیلی فونک رابطہ کیا اور انہیں یقین دہانی کروائی کہ اسرائیل سے تعلقات استوار کرنے کے باوجود مراکش اسرائیل اور فلسطین کے تنازع میں بدستور دو ریاستی حل کا حامی ہے۔
واضح رہے مراکش، متحدہ عرب امارات، بحرین اور سوڈان کے بعد امریکی ثالثی میں اسرائیل سے تعلقات استوار کرنے والا چوتھا عرب ملک بن گیا ہے۔