ویرات کوہلی نے کرکٹ قوانین کی دھجیاں بکھیر دیں

310

سڈنی: بھارتی کپتان ویرات کوہلی نے کرکٹ قوانین کی دھجیاں بکھیر دیں جس کی ویڈیو وائرل ہوگئی۔

تفصیلات کے مطابق بھارتی کرکٹ ٹیم کے کپتان ویرات کوہلی نے کرکٹ قوانین کی خلاف ورزی کردی اور امپائر سے مسلسل بحث و مباحثہ کرتے نظر آئے۔

گزشتہ روز سڈنی کرکٹ گراؤنڈ میں میتھیو ویڈ کو امپائر نے ناٹ آؤٹ قرار دیا تھا ، ویرات کوہلی باؤنڈری پر فیلڈنگ کررہے تھے انہیں علم نہیں تھا کہ یہ آؤٹ ہے یا ناٹ آؤٹ وہ وکٹ کیپر کے ایل راہول سے مشورہ لیتے نظر آئے۔

اس سارے سلسلے میں ڈی آر ایس کا مخصو ص ٹائم گزرتا رہا اور کوہلی راہول کے درمیان گفتگو کے دوران ٹائم ختم ہوگیا۔

اتنے میں کے ایل راہول نے ٹی وی اسکرین پر ری پلے دیکھا تو اس میں آؤٹ نظر آرہا تھا ، راہول نے ہوشیاری دکھاتے ہوئے کوہلی کو وہیں سے ہی ریویو لینے کا اشارہ کردیا۔

ویرات کوہلی جب امپائر سے ریونیو مانگنے لگے تو امپائر نے انہیں بتایا کہ 15 سیکنڈ ز کا ٹائم گزر چکا ہے اور اب ریویو نہیں مل سکتا۔

بھارتی کپتان اس بات پر غصے میں آگئے اور امپائر سے الجھنا شروع کردی ۔