کانگو: امن مشن میں شامل پاک فوج کی خاتون آفیسر کو امریکی فوج کا خراج تحسین

چند روز قبل کانگو میں پاکستانی امن مشن دستوں نے کامیاب آپریشن کرتے ہوئے سیلاب میں پھنسے 2 ہزار افراد کو ریسکیو کیا تھا
کنشاسا (ویب ڈیسک + خبر ایجنسیاں) کانگو میں اقوام متحدہ (یو این) کے امن مشن میں شامل پاک فوج کی خاتون آفیسر کو امریکی فوج نے خراج تحسین پیش کیا ہے۔ امریکی فوج کی سینٹرل کمانڈ نے آفیشل آئی ڈی پر امن مشن میں شامل پاکستان سے تعلق رکھنے والی میجر سامعہ کا ٹویٹ ری ٹویٹ کردیا۔

[​IMG]
میجر سامعہ افریقی ملک کانگو میں اقوام متحدہ کی امن فوج کا حصہ ہیں، ان کی ڈیوٹی اپریل میں ختم ہورہی تھی مگر کورونا وائرس کی وجہ سے وہ پاکستان واپس نہیں آ سکیں۔میجر سامعہ نے سماجی رابطوں کی ویب سائٹ ٹوئٹر پر ایک پیغام شیئر کی جس میں انہوں نے لکھا کہ میرا 2 سال کا بیٹا پوچھ رہا ہے کہ ماما آپ کب واپس آئیں گی۔انہوں نے لکھا کہ میں پریشان ہوں لیکن میرا کام کرنے کا جنون کئی گنا بڑھ گیا ہے۔
میجر سامعہ نے یہ پیغام دیا کہ ہم مل کر کورونا وائرس کے پھیلائو کو روک سکتے ہیں۔خیال رہے کہ چند روز قبل کانگو میں پاکستانی امن مشن دستوں نے کامیاب آپریشن کرتے ہوئے سیلاب میں پھنسے 2 ہزار افراد کو ریسکیو کیا تھا۔

[​IMG]
کانگو میں سیلاب سے75 ہزارافراد متاثر ہوئے ہیں جبکہ بارشوں اورسیلاب سے ہزاروں گھرتباہ ہو گئے ہیں۔ڈی جی آئی ایس پی آر نے بتایا کہ پاکستانی نیلے ہیلمٹ، اقوام متحدہ کانگو امن مشن کاحصہ ہیں جو امدادی کارروائیوں کیلئے فوراً متاثرہ علاقوں میں پہنچے اور طبی سامان اورآلات متاثرہ علاقوں کو روانہ کی گئیں۔انہوں نے کہا کہ فوجی دستوں کی جانب سے سیلاب میں پھنسےافراد کوکھانا اور طبی امداد بھی فراہم کی گئی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے